ඔන්න යාළුවනේ මම අද ඔයාලට කියන්න යන්නේ රසවත් කථාවක්. ඒ තමයි ලොව අරුම පුදුම කිහිපයක් ගැන. මම මීට කලින් ලිපියකින් මේ පිළිබදව විස්තර ටිකක් කිවුවා. ඒක බලන්න මෙතනින් යන්න. අද තවත් විස්තර ටිකක් තමයි කියන්න යන්නේ. ඔන්න එහෙනම් බලන්නකෝ
ලොව උසම මිනිසා.
ලොව උසම මිනිසාගේ නම සුල්තාන් කොසේන් ය. 2009 වසරේ අගෝස්තු 25 ගිනස් වාර්ථා පොතට එකතු වූ මොහුගේ උස අඩි 8.1 වෙයි. ලොව විශාලම අත්ල හා ලොව විශාලම පතුල හිමි පුද්ගලයා වශයෙන්ද වාර්ථාවන්නේ මොහුගේ නමයි. මොහු තුර්කි ජාතිකයෙකි.
ලොව උසම කාන්තාව.
යාඕ ඩි‍පෙfන්ස් නම් වූ චීන ජාතික කාන්තාව ලොව උසම කාන්තාවයි. ඇය අඩි 7 යි අගල් 8 ක් අසින් යුක්ත වන අතර බරින් කිලෝ ග්රැම් 200 කි.
ලොව මිටිම මිනිසා.
අපි ඉහතදී ලොව උසම මිනිසා ගැන දැන ගතිමි. දැන් ලොව මිටිම මිනිසා පිලිබදව දැනගමු. ඔහු නමින් කාගේන්ද්‍ර තාපා මගර් නම් වේ. හෙතෙම නේපාල ජාතිකයෙකි. ඔහු තමන්ගේ 18 වැනි ජන්ම දිනය සමරන අවස්ථාවේ ඔහුගේ අස අගල් 22 වූවා පමණි.
ලොව දිගම කොණ්ඩය හිමි කාන්තාව.
මැය චීන ජාතික කාන්තාවකි. චීනයේ ගු ආන්ෂි නම් ප්‍රදේශයේ මැය ජිවත් වේ. නමින් ක්‍යුපින්ග් නම් වේ. තමන්ට වයස 13 වූ පසු මැය කොණ්ඩය වැවීමට පටන් ගෙන ඇත. ඒ 1973 වර්ෂයේදීය. 2004 වර්ෂයේදී ඇගේ කොණ්ඩය දිග අඩි 18 අගල් 6ක් පමණ විය.
ලොව දිගම කොණ්ඩය හිමි මිනිසා.
මේ සදහා සුදුසුකම් ලබනුයේ වියට්නාමයේ ට්‍රාන් වෑන් ය. මීට වසර 42කට පෙර මොහු අවසන් වරට කොණ්ඩය කපා ඇත. වයස 73ක් වන මොහුගේ දැන් කොණ්ඩය මීටර් 6.5 ක් දිගින් යුතු වේ.
ලොව දිගම නියපොතු හිමි කාන්තාව.
ඇය ලී රෙජ්මන්ඩ් නම් වේ. ඇගේ අතෙහි නියපොතු වල දිග අගල් 30 ක් පමණ වේ. වසර 30 ක් පමණ නියපොතු වවා ගිනස් වාර්ථා පොතට ඇතුළු වු මැය ඇමරිකන් ජාතික කාන්තාවකි.
ලොව විශාලම මල.
රැප්fලේසියා මල ලොව විශාලම මල වේ. මේ මල ලිලී කුලයට අයත් වේ. උස සෙන්ටිමීටර 91 ක්ද පළල සෙ.මී 46 ක්ද පමණ වේ. ඉන්දුනීසියාවේ දකින්නට ලැබෙන මෙම මලෙහි පෙත්තක ගණකම අගලක් පමණ වේ.
ලොව විශාලතම සර්පයා.
දකුණු ඇමරිකාවේ ඇමසන් වනාන්තරයේ උතුරු හා දකුණු ප්‍රදේශයන්හී ගංගාවල ජීවත්වන ඇනකොන්ඩා නම් සර්පයා ලොව විශාලතම සර්පයා වේ. දිගින් මීටර 6 ක් පමණ වේ. බර කිලෝග්රෑම් 107 ක් පමණ වේ. එසේම මීට වඩා විශාල ඇනකොන්ඩාවන් වර්ග දෙකක් පමණ ඇති බවටද මේ වනවිට සාක්ෂි ලැබී ඇත.
එහෙනම් යාළුවනේ අදට මේ තොරතුරු ඇති. මේ ගැන තවත් දවසක ලියන්නම්. මේ ගැන ඔයාලාට හිතෙන දේ නොවරදවාම ලියලා යන්න. එහෙනම් ඔක්කෝටම ජයෙන් ජය!
Post a Comment
මෙම ලිපිය සදහා ඔබ පලකරන අදහස් මම ගරුකොට සලකමි. එසේම කිසියම් අදහසකට පිළිතුරක් ලබාදීමට මා හට නොහැකිවන්නේනම් එය මාගේ කාර්ය බහුලත්වය නිසා බැවිනි. ඔබ දක්වන අදහස් මාගේ ඉදිරි ගමනට හේතුවන බැවින් මෙහි පැමිණෙන ඔබ හැකි අයුරින් අදහස් දක්වන මෙන් ඉතා කරුණාවෙන් ඉල්ලා සිටිමි.