අපේ බ්ලොග් එකෙ දැන්වීම් මගින් මුදල් සොයමු.

                       ගොඩක් දවසකින් මොකුත් ඔයාලට ගෙනෙන්නත් බැරි උනානෙ. මට පොඩි පොඩි වැඩ තිබ්බා. මොනවා කරන්නද ඉතින් ඒවත් කරන්න එපායැ. :D  ඔන්න කොල්ලනේ අද මම මරු දෙයක් තමයි ඔයාලට කියන්න යන්නේ. මේකත් දන්න යාළුවෝ ඉන්නවා ගොඩක්. ඔන්න මම නම් ඉතින් මේක කියන්නේ නොදන්න අයටයි. මම දන්න විදිහට තමයි මම මේක ඔයාලට කියලා දෙන්න යන්නේ. මීට වඩා මොනවා හරි දෙයක් දන්න අය ඉන්නවනම් මටත් කියලා දෙන්න යාළුවනේ. යටින් ලියන්නත් තැනක් තියනවනේ. වැරදිත් ගොඩක් තියෙන්න පුළුවන් ඉතින් ඒවා හදාගෙන වැඩේ කරගන්න.

                            එහෙනම් ඉතින් අපි වැඩේට බහිමු. අපේ යාළුවෝ ගොඩක් දෙනෙක්ට ඉතින් දැන් බ්ලොග් එකක් එහෙම තියනවනේ. ඉතින් ඒවට ලිපිත් ලියනවා ඇතිනේ. කවුරුත් ආස ඇතිනේ මේ ලිපි ලිය ලිය ඉන්නවාට අමතරව ඒ බ්ලොග් එකෙන් මොකක් හරි ආදායමකුත් ලබා ගන්න. ඔන්න ඉතින් ඒකට නියම විසදුමක්. මම දැන් කියන්න යන්නේ එහෙම දෙයක් ගැනයි. ඔයාලටත් කැමතිනම් මේක අත්හදා බලන්න.

                           ඔයාලා ගොඩක් අය දන්නවානේ අපේ බ්ලොග් එක තුළ දැන්වීම් පල කිරීම මගින් මුදල් සෙවිය හැකි බව. මම කියලා දෙන්න යන්නෙත් මේ ගැනයි. අපි මෙම කටයුත්තට පෙර අපගේ බ්ලොග් අඩවියේ අලංකාරය මෙන්ම එහි අන්තර්ගත කරුණු පිළිබදවත් ඉතාමත් සැලකිලිමත් විය යුතුයි. මොකද කියනවානම් අපේ බ්ලොග් අඩවිය වෙත වැඩි වැඩියෙන් පිරිස් ගෙන්වාගැනීමටනම් එයට සුදුසු අන්තර්  ගතයකින් අපගේ අඩවිය යුක්ත විය යුතුයි. ඒක ඉතින් ඔයාලගේ දස්කම මත සිදුවිය යුත්තක්. අපි බලමුකෝ කොහොමද මේකට වෙළද දැන්විමක් දාගන්නේ කියලා.

                            කොල්ලනේ ඔයාලා අහලා තියනවා නේද Google adsense ගැන. ඒකෙන් කරන්නේ අපේ වෙබ් පිටුවලට දැන්වීම් සැපයීමයි. එම දැන්වීම් අපේ වෙබ් පිටුව හරහා යමෙක් එම දැන්වීම් නැරඹුවහොත් ඔවුන් විසින් අපට කිසියම් මුදලක් දෙනු ලබයි. මේ සිදුවීම වෙන හැටි පිළිබදව නම් අපේ යාළුවෝ ගොඩක් දන්න නිසා මම ඒ ගැන කියන්න යන්නෙත් නැහැ ඔන්න. ඉතින් යාළුවනේ සිංහල බ්ලොග් කරන අපි වගේ අයට මේ Google adsense කියන්නේ ඉතින් සිහිනයක් තමයි. මොකද අපි වගේ සිංහල අඩවි වලට ඒ අය දැන්වීම් සැපයීම සිදුකරන්නේ නෑ. ඒ වගේම තමයි මෙයාලගේ තියන නීති රිති. ඒවා ඔක්කොම හරියට හදා ගන්නත් අපිට ගොඩක් අමාරු වෙනවා. ඉතින් ඒක හින්දා මෙයාල ගැන තියන අදහසනම් ඉතින් අපි කවුරුත් හිතින් අත්හැරලනේ ඉන්නෙ. :D කමක් නෑ යාළුවනේ ඒකට විසදුමක් තමයි මම අද අරගෙන ආවේ. 

                                ඔයාලා දන්නවා ඇතිනේ Google adsense වගේ දැන්වීම් සපයන ආයතන තවත් බොහෝමයක් තියන බවත්. නමුත් අපි එහෙම එකක්  තෝරා ගනිද්දී විමසිලිමත් විය යුතුයි නේද? මොකද තියන හැම ආයතනයක්ම සත්‍ය ඒවා නොවන බැවිනි. බොහෝ ආයතන අපිව රැවටීම පමණක් සිදුකරන නිසාවෙනි. මම අද කියන්න යන්නේ අපිට විශ්වාසයක් ඇති ආයතන කිහිපයක් ගැනයි. බලන්නකෝ මමත් මේ ආයතන වල දැන්වීම් මගේ බ්ලොගියේ දාලයි තියෙන්නේ. ඔයාලට දැනුත් පේනවා ඇති ඒක. එහෙනම් මෙන්න ඒ වෙළද දැන්වීම් සපයන ආයතන.

                                Geegain 

                               මේක ලංකාවේ ආයතනයක්. මේක මගින් උපයන මුදල් අපට Alertpay හරහා ද ගෙන්වා ගත හැකිය. එසේම මෙහි මුදල් ගෙවීම සිදු වනුයේ $50 සිට වෙයි. අපගේ දක්ෂතාවය මත මෙහි මුදල් ඉපයිම වේගවත් කර ගත හැකි වේ. Referrals ලින්ක් එක හරහා මෙය අන් අයට හදුන්වා දී ද අපට මුදල් උපයා ගත හැකි තවත් ක්‍රමයකි.

Clicksor

                                        මේක මගින් උපයන මුදල් අපට චෙක් පත් මගින් ගෙන්වා  ගත හැකිවේ. එසේම බොහෝ වෙබ් සයිට් ප්‍රමාණයකට දැන්වීම් ලබා ගත හැකි වේ. $50 සිට මෙහි මුදල් ගෙවීම සිදු කරනු ලබයි.

 

Smowtion

                                   මෙමගින් මුදල් ගෙවීම සිදුකරනු ලබන්නේ $ 1 සිටය. එසේම මෙහි මුදල් ගැනීම ATM මාර්ගයෙන් ද ගත හැකි වෙයි. අප ඉල්ලුම් කරන අඩවියේ පමණක් මෙහි දැන්විම් දැමිය හැකිවේ. 

BidVertiser

                                                      මේකත් පෙරසේම $50 ක සිට මුදල් ගෙවීම සිදු කරන ආයතනයක්. මෙයද හොද දැන්විම් සපයන ආයතනයක් ලෙසින් දැක්විය හැකිය.

මෙන්න තියනවා යන්න ඕනි තැන් ටික. ඔයාලා කැමති එකකට ගිහින් වැඩේ කරගන්න. අවුලක් තියනවනම් කියන්න.

                                       



                             ඔන්න යාළුවනේ එකක් කියන්න ඕනි. මේ මොන විදිහේ දැන්වීම් අපි බ්ලොග් එකේ දාගත්තත් අපෙ අඩවියට පැමිණෙන අය එය නැරඹ්ම සිදු කල විට පමණයි අපට මුදල් ලැබෙන්නේ. එසේම මම මුලින් කිවුව ලෙසින් ගොඩක් ප්‍රේක්ෂකයන් අපේ වෙබ් අඩවිය වෙත ගෙන්වා ගැනීම මත තමයි මෙය සිදුවන්නේ. එහෙනම් කොල්ලනේ කැමතිනම් කරලා බලන්න. ඔන්න එහෙනම් මම ගියා. ඔය තියන like බටන් එකටත් පොඩි තට්ටුවක් දාලා යටිනුත් මොකුත් කොටලා යන්න. අතින් පයින් යනවායැ. :D මට ඒක ගොඩක් වැදගත් ඉදිරි කටයුතු සදහා. එහෙනම් ඔක්කෝටම ජය වේවා. මම ගියා. වෙන දවසක ආපහු ලිපියකින්  හමුවෙමු.